DE POETES, XURAOS, CORTESANOS Y ENCAMIENTOS

Alejandro_magno_y_bucefalo
Espublizáu en blogue (xineru de 2009) y nel suplementu Astúrica d’El Comercio (1999)
Decíase qu’un mal poeta griegu, nomáu Querilo, emperrara en xunise a les espediciones d’Alexandru’l Magnu pa canta-y les sos proeces guerreres. Alexandu diera’l so consentimientu y, de seguío, Querilo púnxose a componer un llargu poema, onde como non el conquistador macedoniu yera l’hérue. Una vegada acabada la obra rogó-y que la oyera, a lo qu’accedió Alexandru, masque eso sí, con una mui clara condición; que por cada bon versu del poema daríen-y una moneda d’oru y por cada mal versu, una sonora oblea. Y qu’un xuráu de poetes dictaminaría sobre la calidá de los versos. Querilo aceptó y, llegáu’l momentu, comenzó la llectura, que por desgracia nun pudo terminar, porque les morraes provocáron-y la muerte antes d’averase a la mitada del so líricu presente. D’ello ye evidente que se podíen sacar dos conclusiones incontestables, a saber, que’l probe Querilo nun formaba parte de la tertulia d’aquellos poetes qu’integraren el xuráu, y que na Antigüedá Clásica la esistencia de la lliteratura “cortesana” acompañábase d’igual miseria humana que güei en día.
Nestos tiempos de nuestro los escritores con tendencia a la “cortesanía” aspiren, como muncho, a que dalguna instancia institucional-yos pague unes curties vacaciones de ser posible al otru llau la mar. Habrálos maduros, que se ven merecedores d’atenciones pa col so títulu de “vate nacional”, y habrálos mozos y con priesa. Pa los segundos encamentaría la cita d’un notable poeta francés: escribir poesía a los venti años, ye tener venti años; escribir poesía a los cuarenta, ye ser poeta. Y pa los primeros, la llectura de la última prensa del corazón, onde los profesionales de la “cortesanía” bien pagao amuesen, pongamos por casu, les escelses prominencies de cervus elephus que se paeen peles tierres de cierta Grande d’España; o bien, fomenten la imaxinación popular, cuando frutu d’ésta, una dama candidata a protagonista permanente nes berres capitalines, ye llevada a comparanza col grupu escultóricu de La Cibeles que, como tol mundu sabe, tien de piedra la cabeza y, a aquello onde faen arcu de triunfu les piernes, mirando p’hacia’l Bancu España.
Anuncios

One thought on “DE POETES, XURAOS, CORTESANOS Y ENCAMIENTOS

  1. Totalmente d’alcuerdu contigo, fíu. Tamién te digo una cosa: “a too gochín-y llega’l samartín”. Hai n’Asturies un exemplu claro d’esto que falas: son los de la tribu Les Noticies, anque yo llamaríalos “Los Masturbadores” porque ente ellos danse placer, pero ya fieden los prubitinos.

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s