MARCELINO CAMACHO Y UN POEMA N’ASTURIANU

Recibiendo’l II Premiu de Poesía n’Asturianu 1987 de CCOO
Recibiendo’l II Premiu de Poesía n’Asturianu 1987 de CCOO

En xunu de 1.987, un xuráu formáu por Urbano Rodríguez como presidente, Xosé María García Sánchez, Xuan Lluis Bernardo Suárez y Carmen Fernández, como vocales, y María del Rosario Bermúdez de la Vega, como secretaria, apautara en otorgame’l primer premiu del II Concursu de Poesía n’Asturianu de Comisiones Obreres pol poema Tributu d’amada. La entrega fízose nel Pueblu d’Asturies, en Xixón, nel marcu la segunda Fiesta Regional del sindicatu. La nota emotiva foi que’l gallardón (y el talón) diólu Marcelino Camacho, un llider sindical pol que siempre tuvi’l mayor de los respetos; lo que vien a cuenta mentar, considerando la estremada madera de la que tán fechos anguañu la mayoría de los sindicalistes.

Tributu d’amada apecería nel mio primer poemariu espublizáu, Augua d’invocación, qu’editara en 1988 la pionera Alvízoras Llibros na so prestosa estaya de Poesía, y que cuntaba con un retratu míu dibuxáu por Helios Pandiella.

Más allá del ablugu de la to voz despida,

enguedeyada en sierpes d’amor guerrilleres,

viviendo los cóncharos vientos del tiempu

como cuerpos presos nuna tronada de carne;

más allá de ti, de la to llercia

de besos ente sal y plata, cuando los güeyos

abrazaben la flor pequeña del to púbicu horizonte,

navegando xuntos tu y la mar,

nuna vida esglamiada, prendida,

humildemente ante’l fueu

de la mio palabra d’ocle y distancia;

más allá, simplemente siempres,

                                             muyer,

escúchesme nun tributu d’amada.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s