SEAN CHEETHAM, UN NUEVU MAESTRU DE L’ARMONÍA DENDE’L CLASICISMU VANGUARDISTA

sc2

Sean Cheetham nació en San Francisco, nel añu 1977. Esti artista californianu estudió nel  College of San Mateo y graduóse con honores nel Art Center College of Design de Pasadena. Les sos obres afáyense incluyíes n’esposiciones a nivel internacional. Podemos tener una visión de la so trayectoria na información que facilita la Katherine Cone Gallery.

La so pintura parte de la técnica clásica para fundise pelos caminos del vanguardismu más pegáu a les referencies históriques de la creación underground. Sean Cheetham pinta, con un xeitu bien definíu, al mundu y a la xente que lu arrodia, exerciendo les pautes d’una capacidá escepcional pa entender y espeyar nel llienzu la forma humana, y pa ello plasma davezu les enseñances del so profesor y amigu nel Art Center College of Design, Mike Hussar.

Prefier definir al so dibuxu como llinial y non tonal, fuxendo nel prinicipiu de la obra del escesu de detalle pa, como él mesmu diz, “pintar unos pocos detalles escuros cola mezclienda más escuro-negro con más carmín d’alizarina nos párpagos, na ñariz, nos llabios y les oreyes, y asina poder entós bloquiar con una mezclienda de gris neutro de cobaltu azul y siena tostao“.

Nel so blogue podemos topar una amuesa bien curiosa de los llogros d’esti pintor. D’ente ello allugamos equí los componentes de la galería siguiente:

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s