OTRA POESÍA N’ASTURIANU: CORSINO FORTES

Corsino Fortes nació en Mindelo, na islla caboverdiana de São Vicente, el 14 de febreru de 1933; y morrió’l 24 de xunetu de 2015. Estudió Derechu en Lisboa. Trabayó como profesor, xuez del Tribunal de Trabayu, y, tres de la independencia,  foi embaxador en dellos varios países europeos y africanos, ministru de Xusticia y maxistráu. Collaboró en medios de comunicación y revistes como “Claridade”, “Cabo Verde”, “Raízes” y “Africa”. Foi presidente de l’Asociación Caboverdiana de Escritores. Na so obra trata sobremanera de la identidá caboverdiana y sobre la poesía oral del archipiélagu. Tien publicao títulos como Pão e Fonema; Árvore & Tombor; Pedras de Sol & Substância. A Cabeça Calva de Deus axunta la so obra poético, presente n’estudios y antoloxíes n’inglés, francés, italianu, portugués y holandés.

PASCUA DE PIEDRA

I

¡Ansí! nazo & voi
Nos pies de les piedras que nos persiguen
el rostru la órbita el movimientu
¡Caleyen! cerquina
Los acróbates de la “Piedra Rodada”
Y el desiertu bebía peles dunes
Les foles del escurecerín
Y les ruines de la catedral

*

¡Ansí! nacisti & tas
Nes manos de les piedres que nos proyecten
el cuerpu     la decisión     el deséu
¿Y si preguntamos? a les piedres
Uterines & consanguínies
De la fortuna de la mar…
Na boca de les piedres: la pedagoxía de les foles
¡De les foles al duelgu! de la erosión al amor

II

¿Pero ónde? ónde afayar
Nel desiertu de la fala
La piedra sonora
La llingua de piedra
Que chisca de verde
La llucidez de la llocura… nuestra
¿Pero ónde? ¡ónde afayar
La piedra madre! la piedra amante
La primavera de piedra
Nel branu que nos devora
El xubidoriu de la infancia
La baxadoria de la vieyera
ye dicir
La piedra d’una piel marcada
La piedra de la memoria primera
La levedá
qu’allevanta nel corazón
esti lloviu de piedra
La piedra que fuxe
de la mano del inxenieru
Y
del pie del arquitectu
Y constrúi
na terraza del alma
la oxiva
D’una salva d’aplausos

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s