OTRA POESÍA N’ASTURIANU: ETHEL KRAUZE

Ethel Krauze nació en Ciudad de México, nel añu 1954. Poeta, ensayista, dramaturga y narradora. Estudió Llingua y Lliteratura Hispániques na UNAM. Foi profesora na Sociedad General de Escritores Mexicanos (SOGEM), conductora del programa de televisión Cara al futuro, coordinadora en dellos talleres lliterarios y collaboradora en revistes y periódicos mexicanos.

Ente los sos llibros destaquen Intermedio para mujeres (1982), Para cantar (1984), Donde las cosas vuelan (1985), El lunes te amaré (1987), Canciones de amor antiguo (1988), Ha venido a buscarte (1989), Entre la cruz y la estrella (1990), Cómo acercarse a la poesía (1992),  Infinita (1992),  Mujeres en Nueva York (1992), Juan (1994), Houston (1996), Amoreto (1999),  El secreto de la infidelidad (2000), Desnudando a la musa: ¿qué hay detrás del talento literario? (2011) y Todos los hombres (2012).

Amoreto

 Dite, amor, la mio nube y la so coartada,

la so lloviscada de rames nel to cuellu

ensin pensar qu’amaríes el rellumu

que na mio solombra aldovinabes como espada.

Foi la espada, amor, la so lluz anubligada

lo que n’agua trocaste como formoso,

inasible reblaneda del to pelo

cuando pienso na crin de la enramada.

Foi la malva nacida del to dicir

de la que me dices, amor, que me quies

y nun quiero sentir nengún avisu

más que l’alma sonando nesti nichu

onde tu me descubres y llámesme

y’tis la flama qu’avisa ónde piso.

Amoreto II

Llevarásme, amor, escontra esi glayíu

de la’tisdra que canta na ventana,

al donaire del xiflu y de la grana

llevarásme tu, amor, el mio pidíu.

Percorrerás el versu guarecíu

de cadencies y arumes, caravana,

deprenderás la voz de la campana

qu’apacienta nel vértice’l soníu.

Y afayarás nel ápiz de l’ardura

que percuerre na so ruta la chicharra,

volverás a la oriella de dondura

cuando vibre nel llechu ensin amarra

y la mio vena érgase col xuegu

seliquín qu’esgolfa de la to parra.

  Amoreto V

Quiero ver nos tos güeyos el desxelu,

la inquietú de la mio freba, la rosada

nes tos manos garraes al mio ríu,

la comba na qu’habita lo más guapo.

Quiero ser nel sangre del to sellu

fueya nuevo nel vasu antes vaciu,

ser, amor, el to sabor nel estíu,

la delicia nel pulsu del to cuellu.

Quiero andar el to sudu y la to saliva,

atreveme a prebar l’agua vivo

que nel to besu espeya la dolzura

del fontán arumáu y la so nidiura;

agua presto y ingriente que cautiva

brillu d’agua qu’apina la mio fendedura.

Advertisements

One thought on “OTRA POESÍA N’ASTURIANU: ETHEL KRAUZE

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s