TRÉS OBRES ESPERIMENTALES DEL PRIMER POLANSKI

Ente 1955 y 1963 Roman Polanski rodó ocho curtimetraxes, entamando por Rower (La bicicleta), fechu con solo ventiún años y siendo al empar director y guionista.

D’esta dómina son los trés títulos qu’esbillo; Rozbijemy Zabawe (Acabando col baille) [1957], Dwaj Ludzie z Szafa (Dos homes y un armariu) [1958], y Lampa (Llámpara) [1959].

Rozbijemy Zabawe ta arreyáu a una de les munches anécdotes que cunta’l propiu Polanski. Sigún la so autobiografía, con esta película trataba de que lu echaren de la escuela de cine de Lodz y, pa llogralo, preparara a un grupu matones que tendríen de dir a un baille d’escuela pa interrumpilu. El casu ye que na grabación del curtiu dellos estudiantes recibieron dalgún güelpe escapáu nun sabemos si inocéntemente.

Dwaj Ludzie z Szafa, protagonizada por Jakub Goldberg, Henryk Kluba y Stanislaw Michalski, ente otros,  empieza cuando dos homes salen de la mar llevando un armariu y envereden pa la ciudá. La película tien una banda sonora de Krzysztof Komeda, el meyor músicu de jazz na Polonia d’aquellos años.

Lampa desarróllase nun taller de xuguetes onde los susurros nocherniegos anuncien qu’elllí hai dalgo más no que parez ensin vida.

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s