DEL TEMPLU A LA CASA BLANCA

Templu Xixon - Humberto GonzaliHai un conxuntu de lliteratos n’asturianu qu’avecen a facer parte de la so obra remembrando viaxes. El casu ye qu’esto nun tien, de por sí, nada de malo, y amás tien dao grandes llogros a la lliteratura mundial. Pero nel casu d’Asturies, en quitando escepciones bien conocíes polos bonos llectores, a lo más que lleguen ye a contanos lo guapo que resulta tomar café nesta plaza o a citanos de corríu los escritores que per aquel llugar pasaron. Son el semeyu d’esi pariente que toos tenemos, cafiante hasta’l desesperu col repetíu pase de la película que rodara en vacaciones. Munchos de los nuestros escritores tienen una vida monótona, apinada de paisaxes comunes y orniada de consignes bien simplayes. Poro, una parte de la lliteratura asturiana ye, digámoslo claro, pretenciosa, vacia, aburrida, y básicamente provinciana. Colo fácil que sedría mirar viendo y oyir escuchando.
Munches vegaes vivimos sobre histories interesantes y nun nos damos cuenta. Topemos un casu. La Logia Jovellanos, que tuviera ente los sos miembros al políticu reformista Melquíades Álvarez, abriera antes de la guerra civil sé na cai La Playa de Xixón, xusto nel mesmu númberu onde s’alluga l’actual edificiu onde’l qu’escribe esto vive. Constaba d’una planta baxa, con templu masónicu y vivienda pal conserxe, y un pisu altu destináu a escueles. Ellí taben la Logia Regional del Noroeste y tolos talleres dependientes d’ella, como la Logia Riego y el Capítulo de Caballeros Rosacruces Vigilantes de Asturias. Siguiendo l’exemplu, munchos xixoneses saben que l’edificiu de la Plaza’l Parchís onde tenía hasta va poco los sos locales el Partíu Popular yera nomáu como La Casa Blanca. Son menos los conocedores de que fuera sé del Consejo Soberano de Asturias y León. Asina que, lo que son les coses, ensin salir de Xixón un servidor diba, mientres bien de tiempu y en díes llaborables, del Templu a la Casa Blanca.
Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s