‘SEÑOR GRACIES (有りがたうさん Arigatō-san)’, D’HIROSHI SHIMIZU

Señor Gracies ye una película fantástica; ún de los trabayos más entreteníos del xenial director xaponés Hiroshi Shimizu. Básase nun cuentu del escritor Yasunari Kawabata.

Ésti ye, cuasi de seguro, el primer filme de carretera de la cinematografía nipona. L’entornu ye un autobús de llinia que fai’l trayectu ente les ciudaes d’Izu y Tokio. Toma’l so títulu del conductor, un mozu que ganó tal nomatu pola cortesía qu’emplega davezu. Ye un personaxe familiar pelo llargo de la so ruta y un focu alredor del que pasen los drames menores del llargumetraxe.

La referencia principal de la historia ye una madre que, obligada pola probitú, escolta a la so fía de 17 años a Tokio, col envís de vendela a un local onde exercerá la prostitución. Otros personaxes destacaos son un aparenciosu home mayor y una muyer descarada (a les clares una prostituta).

El viaxe caltiénse animáu de contino pola interacción ente los viaxeros del autobús pero, de la qu’ésti va percorriendo paisaxes rurales de montaña, va espeyando la deriva migratoria de la época motivada pola necesidá económica.

Si falamos d’estilu, Señor Gracies ye de toes toes fascinante. Filmada práctimente en tiempu real, la mayor parte de la película trescurre nel interior del vehículu, sacante una escena na que l’autobús fai una parada pal descansu de los sos ocupantes.

Tamos ante una obra fresca y accesible, onde se mezclen el patetismu, l’humor, el drama y la crítica, y qu’esplica’l por qué Shimizu ye un referente esencial de la historia del cine xaponés

FICHA – Añu: 1936. Director: Hiroshi Shimizu. Repartu: Kaoru Futaba, Ken Uehara, Mayumi Tsukiji, Michico Kuwano, Reikichi Kawamura. Duración: 78 minutos.

FONTE: Canal de modernrocksong

Anuncios

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s