DOCUMENTOS

Testu qu’ellaboré como propuesta del Grupu Municipal  del Partíu Popular pa da-y desarrollu a  la Ordenanza Municipal del Usu de la Llingua Asturiana nel ámbitu del Conceyu de Xixón

versión n’asturianu

 

 Plan de normalización social del asturianu nel conceyu de Gijón/Xixón

                                     

                  Índiz

Fundamentación

Oxetivos del Plan de Normalización Social

Del ámbitu de l’Administración Público

Del ámbitu socioeconómicu

Del ámbitu sociocultural y deportivu

Del ámbitu de los medios de comunicación y les nueves tecnoloxíes

Del ámbitu sociosanitariu

Del ámbitu de la educación y de la mocedá

Fundamentación

El conceyu Gijón/Xixón axunta una serie de peculiaridaes qu’allugen en relieve la so identidá propia, na que s’enmarquen munchos rasgos de tipu económicu, xeográficu, históricu y cultural. La llingua asturiana figura nun sitiu destacáu ente estos rasgos identitarios, qu’amás de cumplir una función cohesionadora y vertebradora del conceyu, valen de centru d’atención y d’atracción nun mundu cada vuelta más enteconectáu.

La nuestra llingua propia y tradicional, l’asturianu, al igual que la otra llingua propia, el castellanu,’tis parte sustancial del patrimoniu cultural de Gijón/Xixón y polo tanto forma parte de los parámetros de la nuestra diversidá sociocultural, superponiéndose a otres realidaes sociolóxiques que, l’Administración Municipal en collaboración con entidaes y asociaciones, reconoz y atiendi, siguiendo un principiu d’elemental respetu y valoración de la diferencia.

L’usu de la llingua autóctona en tou tipu d’actividaes xenera un texíu de producción económica y cultural na que se venceyen escritores, periodistes, editores, músicos, productores fonográficos, enseñantes, pedagogos, diseñadores, publicistes, ente otros. Na actualidá estes actividaes’roundl asturianu desarróllense con gran puxu, y en dellos aspectos tán algamando un grau de maurez importante.

El conceyu de Gijón/Xixón tien la facultá y la responsabilidá de cumplir l’artículu 4.1 del Estatuto d’Autonomía d’Asturies y de desarrollar la Llei 1/98, de 23 de marzu d’Usu y Promoción del Bable/Asturianu, garantizando asina a la ciudadanía’l so derechu a usar la llingua asturiana, avanzando nel afitamientu de lo que se fizo’til’l presente y entamando una acción empobinada a la normalización social, entendiendo por ésta un conxuntu planificáu de midíes dirixíes a enanchar y facilitar les oportunidaes d’usu social del asturianu, garantizando la so protección y promoción como patrimoniu colectivu.

La realidá de la Unión Europea calterízase por fomentar el reconocimientu y el respetu a la diversidá llingüística, allonxándose cada vegada más de les práctiques uniformadores. Nesti sentíu, el Plan de Normalización Social del Asturianu nel conceyu de Gijón/Xixón busca un tratamiento dignu de la nuestra llingua llariega, aspirando a la reafirmación del respetu y la tolerancia llingüística.

Normalizar una llingua significa recuperar el so empléu en tolos ámbitos. La normalización llingüística’tis un procesu que tien como protagonista principal a la sociedá y que los poderes públicos tienen la responsabilidá d’apoyar y promover. El presente Plan quier sentar les bases d’una normalización social de la llingua, entendiendo qu’esisten déficits nes funciones sociales del asturianu, que tenderán a superase con midíes específiques, respetando siempres los principios de llibertá y voluntariedá nel so usu per parte de la ciudadanía.

Oxetivos del Plan de Normalización Social

  • Impulsar l’usu institucional y públicu de la llingua asturiana en tola Administración Municipal, organismos autónomos, empreses municipales y empreses mistes.
  • Cooperar coles midíes de política llingüística que ponga en marcha’l Principáu d’Asturies.
  • Promover la utilización del asturianu nos medios de comunicación, tanto los de titularidá pública como privada.
  • Xeneralizar l’empléu de la toponimia oficial del conceyu.
  • Alendar l’usu social de la llingua autóctona y fomentar les actitúes positives con respectu a la mesmu.
  • Impulsar la utilización del asturianu n’ámbitos empresariales, deportivos, sindicales, culturales, artísticos, y otros propios de la sociedá xixonesa.
  • Promocionar los productos culturales en llingua asturiana y propiciar el so usu como vehículu d’espresión cultural.
  • Incentivar campañes de normalización llingüística ente la ciudadanía, les administraciones públiques y entidaes privaes del conceyu.

  *Del ámbitu de l’Administración Público

 Midíes:

 Les ordenances, reglamentos y bandos tarán redactaos en forma billingüe (asturianu y castellanu) pa la so consulta polos ciudadanos.

 Usu del logotipu del conceyu en billingüe nes dependencias municipales, nos vehículos, paneles y lletreros de víes públiques y edificios municipales.

Sedrán billingües:

a)    Los cartelos y plaques informatives.

b)   Los sellos, tampones, restu de logotipos, membretes y elementos asemeyaos.

c)    La retulación de ropes y uniformes d’empleaos.

d)   La señalización tanto horizontal como vertical de llugares d’interés turísticu.

e)    Los documentos y modelos que l’Ayuntamientu pon a disposición de los ciudadanos n’orde a informar sobro los estremaos procedimientos administrativos.

f)     Cualesquier otru mediu o formatu utilizáu pa espeyar la imaxe esterior o institucional del conceyu.

Retulación en billingüe de les distintes dependencies municipales tanto de la Casa Conceyu como de les distintes empreses municipales, empreses mistes, organismos autónomos y empreses concesionaries.

Retulación en billingüe de les cais, la información nes víes públiques y nes distintes parroquies del conceyu, calteniendo en tou casu la toponimia oficial.

Inclusión nel Manuel d’Identidá Gráfica del Ayuntamientoude la imaxe corporativa y los logotipos billingües pal so usu afayaízu sigún lo afitao nel presente Plan.

Rexistru de los dominios conceyuxixon.com/org y xixon.es.

Usu del asturianu na información municipal, incluyendo MUPIS y otros tipos de soporte.

Daráse continuidá al Conveniu Marcu de Collaboración establecíu cola Academia de la Llingua Asturiana.

Los oxetivos referíos a la normalización llingüística incorporaránse nos planes estratégicos d’ameyoramientu de l’Administración Municipal.

Promoción del usu del asturianu nos museos y biblioteques allugaos nel conceyu de Gijón/Xixón.

Participación, na midida de lo posible, nos Foros nos que s’aborden temes rellacionaos cola Política Llingüística.

 Procuraráse l’usu de la llingua asturiana nos eventos d’especial relevancia programaos pelo llargo del añu, yá sía los entamaos pol Ayuntamientu de Gijón/Xixón, o aquellos nos qu’ésti participe de manera preeminente.

 Valoración del conocimientu de la llingua autóctona nel accesu a la función público y na promoción interno, nes oposiciones y concursos convocaos pol Ayuntamiento de Gijón/Xixón, cuando les característiques del puestu de trabayu y la naturaleza de les funciones que vayan desarrollase lo requieran.

 Promoveránse cursos específicos y de formación complementaria pal personal que nun acredite conocimientos reglaos de llingua asturiana.

Información al personal municipal de los servicios, recursos y actuaciones de normalización llingüística que se realicen dende’l conceyu.

 Desarrollu de campañes informatives sobro la realidá llingüística del conceyu y sobro la llingua asturiana destinaes al personal municipal.

 Realización ente’l personal de cursos d’iniciación a la llingua asturiana, de perfeccionamiento y de llinguaxe administrativu.

 Les plantíes y formatos informáticos pa llabores concretos del Ayuntamiento de Gijón/Xixón, adoptaránse progresivamente a una redacción billingüe y espeyarán la toponimia oficial.

 Difusión ente’l personal del Ayuntamiento, empreses municipales, organismos autónomos, empreses mistes y empreses concesionaries, de vocabularios especializaos que tengan de ver colos llabores que desarrollen.

 Fechura d’un corpus administrativu onde los estremaos documentos tean billingües.

 Incrementu del asturianu na publicidá institucional del conceyu.

 Los conteníos institucionales de la páxina web municipales tendrán de tar presentes tanto n’asturianu como en castellanu. El restu de los conteníos tendrán d’equiparase progresivamente.

 Los anuncios de les entidaes municipales, mistes o autónomes, nos medios de comunicación tamién’twilln progresivamente billingües.

 Facilitaránse cursos de llingua asturiana pa los cargos públicos y distintos niveles de l’Administración Municipal.

 Promoción de cursos d’iniciación a llingua asturiana, de perfeccionamiento y de sociollingüística, destinaos a la ciudadanía del conceyu.

 Actualización periódica de los fondos de llibros n’asturianu nes biblioteques de la rede municipal.

 Establecimientu d’un programa de coordinación y seguimiento del asturianu.

 La toponimia de toles víes de comunicación que trascurren o se dirixan al conceyu de Gijón/Xixón actualizaráse acordies cola so forma oficial, estableciendo pa ello los alcuerdos o convenios oportunos al efecto.

 El conceyu emplegará los topónimos oficiales nes señales urbanes, nos mapes y nos documentos oficiales.

Edición de folletos cola toponimia mayor del conceyu pa informar a la ciudadanía y al personal del Ayuntamientu.

Realización de campañes informatives faciendo especial empeñu nos organismos públicos, sobro’l nomenclátos toponímicu oficial del conceyu.

Promoción del estudiu y recopilación de la toponimia menor del conceyu.

 Los trabayos sobro la toponimia del conceyu de Gijón/Xixón publicaránse en soporte informáticu.

 Les ufiertes que dende l’Ayuntamientu se faigan a los centros educativos xixoneses han presentase tamién n’asturianu.

 Promoción, dende la Oficina Municipal de la Llingua, del usu de la onomástica personal na nuestra llingua autóctona.

* Del ámbitu socioeconómicu

 Midíes:

 Difusión nos sectores socioeconómicos de los estremaos recursos y ayudes a la promoción qu’ufierta l’Ayuntamientu de Gijón/Xixón. Tamién se-yos facilitará información d’aquellos que propicie’l Gobiernu del Principáu d’Asturies y otres instituciones y que puedan ser d’aplicación nel conceyu.

Difusión de los estudios sobro les aplicaciones y rentabilidá del asturianu nes actividaes del sector.

Realización de xornaes pa dar a conocer iniciatives empresariales y profesionales que potencien l’usu del asturianu.

 L’Ayuntamientu firmará convenios de collaboración con distintes asociaciones empresariales pal desarrollu d’actividaes de promoción de la llingua asturiana.

 Ejecución de campañes publicitaries que promuevan la imaxen social del asturianu como llingua d’usu común y rellación davezu nel sector.

 Ellaboración y difusión d’un estudiu qu’aoleye les necesidaes que’l sector tien de ferramientes pa l’aplicación del asturianu nes sos actividaes.

 Análisis y difusión de les empreses qu’ufierten productos y servicios n’asturianu.

 Abertura dende la Oficina Municipal de la Llingua de llinies d’entemediación ente demandantes llingüísticos y les empreses con productos y servicios onde s’emplega l’asturianu.

 Propuesta de convenios con empreses de nueves tecnoloxíes pal llanzamientgu de productos n’asturianu.

 Ellaboración d’una guía que sía útil p’aquelles empreses que deseyen afondar na normalización de la llingua autóctona.

Diseñu de planes y campañes pa, xunto col Principáu d’Asturies y la Rede de Normalización Llingüística nos concejos, fomentar l’asturianu nel pequeñu comerciu, y nes medianes y grandes superficies.

 Fomentu del usu de la llingua asturiana nos establecimientos hoteleros y hosteleros del conceyu.

 Diseñu d’una campaña de promoción del asturianu pa les Pequeñes y Medianes Empreses asentaes nel conceyu.

Impulsu al usu del asturianu na señalización de los polígonos industriales.

 Nel sector agroalimentariu fadránse campañes de sensibilización empobinaes a dignificar y valora l’usu de la llingua autóctona.

 Fomentu del usu del asturianu na actividá de les asociaciones de criadores y productores del sector agroalimentariu del conceyu, especialmente na so proyección pública.

 Fomentu del usu del asturianu na actividá de los colexos profesionales que tengan actividá y locales en Gijón/Xixón.

 Promoción de la llingua asturiana n’otres entidaes venceyaes al sector (Cámara de Comerciu, Unión de Comerciantes, etc.).

 Ellaboración d’una paquete d’ayudes específiques dirixíes a la promoción del asturianu nes empreses, comercios y pa los trabajadores autónomos del conceyu de Gijón/Xixón.

Dada l’especial venceyamientu del conceyu de Gijón/Xixón cola mar, propondráse a l’Autoridá Portuaria un conveniu de collaboración pa la potenciación del asturianu per parte d’ésta.

*Del ámbitu sociocultural y deportivu

 Midíes:

Establecimientu de métodos de coordinación ente les programaciones de los estremaos axentes culturales del conceyu, col envís de maximizar los recursos y crear sinerxies col fomentu de la llingua asturiana.

Establecimientu d’un espaciu d’alcuentru ente’l texíu social ya institucional en tantu qu’axentes socioculturales (productores, asociaciones, programadores, etc.) col enfotu de promover la producción cultural n’asturianu.

 Realización de campañes pa promocionar l’usu del asturianu nel mundu de la cultura y el deporte de Gijón/Xixón.

 Confección de programes educativos que contribuyan a la divulgación científico-cultural asturiana (amosando la esistencia d’una cultura asturiana fuera de los tópicos).

 Promoción de convenios ente los productores n’asturianu y les grandes superficies pa entamar actividaes culturales nos sos recintos.

 Patrociniu d’actividaes lúdiques n’asturianu en diferentes ámbitos del conceyu (locales de les asociaciones de vecinos, centros de la tercera edá, etc.).

 Realización, en collaboración colos centros educativos y colos centros socioculturales, de proyectos lúdicos y actividaes orientaes a la recuperación de la tradición cultural (recuperando’l contactu coles persones mayores, y con ello la trasmisión entexeneracional).

Ellaboración d’un mapa d’axentes culturales que faigan les sos actividaes n’asturianu asina como de les infraestructuras públiques y privaes esistentes pa facilitar el so meyor aprovechamientu.

 Difusión ente les asociaciones culturales, cíviques y deportives de recursos llingüísticos básicos (vocabularios, diccionarios, etc.) y de software n’asturianu (correctores, etc).

Establecimientu per aciu de la Oficina Municipal de la Llingua, de llinies d’asesoramientu llingüísticu pa les asociaciones.

Difusión ente les asociaciones culturales, cíviques y deportives de les distintes ayudes pa la promoción del asturianu que s’ufierten dende l’Ayuntamientu de Gijón/Xixón.

Asesoramientu a les xuntes directives d’asociaciones y entidaes deportives pa que traduzan al asturianu los sos estatutos y/o reglamentos.

Cellebración d’alcuentros coles entidaes deportives, y con organismos venceyaos (federaciones y delegaciones, centros d’enseñanza…) de cara a la promoción del asturianu tantu nes actividaes qu’entamen como nel so funcionamiento administrativu (escritos, comunicaos, alcuerdos, etc.).

Asesoramientu sobro los procedimientos administrativos que faciliten el cambiu al idioma asturianu nos usos llingüísticos formales nes entidaes deportivos (por exemplu’l nome del clú).

Aconceyamientos coles entidaes que desarrollen acciones formatives nel ámbitu del deporte, col envís de procurar que l’asturianu pueda usase nos cursos y actividaes que programen.

 Promoción de cursos técnicos ya informativos en llingua asturiana, adaptaos a les necesidaes y requerimientos de cada modalidá deportiva.

 Recopilación y divulgación de vocabularios y repertorios terminolóxicos de les estremaes práctiques deportives.

Favoreceráse l’usu de la llingua asturiana nel funcionamiento internu de les asociaciones d’ociu y tiempo llibre.

Impulsu al empléu del asturianu ente los clús deportivos del conceyu.

 Favoreceráse la ufierta n’asturianu nos actos de tiempo llibre entamaos pol Ayuntamientu.

 Nos Centros Culturales dependientes del Ayuntamientu dispondráse de materiales n’asturianu y pondránse a la disposición de la ciudadanía.

Potenciación de la presencia de la llingua asturiana nes fiestes del conceyu y nos principales acontecimientos sociales y deportivos.

Podrán instaurase premios que fomenten la creación lliteraria en llingua asturiana.

Apoyu a les iniciatives d’entidaes y asociaciones radicaes nel conceyu de Gijón/Xixón que promuevan la lliteratura n’asturianu.

*Del ámbitu de los medios de comunicación y les nueves tecnoloxíes

 Midíes:

 Nel casu de la puesta en funcionamientu d’una canal de Televisión Dixital Terrestre, ésta contendrá programación billingüe n’asturianu y castellanu nuna proporción equivalente pa lambes.

 Alcuentros colos responsables de los estremaos medios de comunicación pa garantizar la presencia del asturianu na información qu’usen, como mínimu nos casos nos que la información o la persona entrevistada faiga empléu de la llingua asturiana.

 Dar a conocer, ente’l sector, les esperiencies de normalización llingüística nos medios, feches con éxitu n’otros ámbitos del estáu.

 Alcuentros colos xestores comerciales de la publicidá p’avera-yos les potencialidaes y rentabilidá del empléu del asturianu nel sector.

Información sobro ayudes y subvenciones públiques a los xestores de publicidá, pa la trasmisión a los sos clientes.

Divulgación de recursos llingüísticos que faciliten l’usu del asturianu ente los profesionales de los medios de comunicación (software básicu, diccionarios, etc.).

Alcuentros colos medios de comunicación públicos de cara a la utilización del so fondu de recursos pa la promoción de la llingua asturiana.

 Aseguraráse la presencia de revistes y periódicos n’asturianu nes dependencies municipales.

Promoveráse l’establecimientu d’un conveniu cola Radiu Televisión del Principáu d’Asturies (RTPA), como instrumentu de normalización social, pa potenciar l’usu del asturianu n’informaciones y programes rellacionaos con Gijón/Xixón.

Contactu coles empreses de diseñu de webs col envís de potenciar l’asturianu nos servicios qu’ufierten.

Edición y divulgación, ente los profesionales del mundu de la informática, de terminología n’asturianu aplicable a les nueves tecnoloxíes.

Compilación y difusión de materiales y aplicaciones informátiques esistentes n’asturianu, a los colectivos y asociaciones del conceyu.

Creación y divulgación de recursos d’apoyu pa difundir conteníos na rede (diseños de webs y otros).

 Promoción de les acciones formatives que dean cuenta del aprovechamiento de los recursos informáticos y didácticos n’asturianu qu’esisten na rede, dirixíes a los colectivos interesaos (enseñanza, mocedá…).

 *Del ámbitu sociosanitariu

 Midíes:

Foros pal intercambiu d’esperiencies y la difusión de formes de normalización llingüística nel ámbitu sanitariu.

Alcuentros colos responsables de los centros sanitarios pal fixamientu consensuáu de pautes llingüístiques de comunicación corporativo.

Desarrollu de llinies de collaboración coles xerencies del ária sanitaria (primaria y especializada) asina como coles entidaes privaes de servicios.

Desarrollu de cursos de llingua asturiana pal personal sanitariu.

Campañes de promoción del usu del asturianu ente’l personal sanitariu.

Ellaboración de vocabularios específicos de terminoloxía sanitario.

*Del ámbitu de la educación y de la mocedá

 Midíes:

Ellaboración d’estudios de la situación del asturianu nos centros d’enseñanza y nos ámbitos extraescolares del conceyu de Gijón/Xixón.

Divulgación y difusión, ente la comunidá escolar, de los estudios que contemplen la situación de la llingua asturiana nel so ámbitu, asina como nel conceyu y restu de la comunidá autónoma.

Detección de les necesidaes del profesoráu no venceyao a los recursos y materiales didácticos n’asturianu.

Divulgación de recursos n’asturianu que faciliten y meyoren el trabayu nes aules xixoneses.

Ellaboración de materiales didácticos que potencien la participación del alumnáu xixonés nel análisis de la realidá llingüística que lu arrodia.

Collaboración col Gobiernu del Principáu d’Asturies na fechura de materiales didácticos que faciliten o meyoren el trabayu nes aules, y rellacionaos cola realidá cultural y llingüística del conceyu.

Confección d’un sistema d’indicadores y recursos pa la evaluación de la situación de la llingua nos centros d’enseñanza y nos sos servicios complementarios.

Compilación y difusión d’una base de datos de los materiales, recursos didácticos y novedaes bibliográfiques esistentes que puedan apoyar una mayor presencia del asturianu nes aules, atendiendo a los distintos niveles educativos y aries científiques.

Garantía del fomentu del asturianu en guarderías, escueles infantiles y otros centros de formación con dependencia municipal.

Alcuentros coles academies y centros de formación del conceyu pal desarrollu de campañes de fomentu del asturianu.

Difusión, ente les academies y centros d’enseñanza, del software esistente n’asturianu.

Difusión de les ayudes y subvenciones esistentes pal fomentu del asturianu ente les academies y centros de formación.

Desarrollu d’análisis que definan los vezos d’interacción llingüística de la mocedá de cara a la puesta en marcha d’actuaciones de fomentu del asturianu.

Creación d’un programa d’animación sociollingüística, enxertáu nes dinámiques asociatives y comunitaries que se desarrollen nos diferentes barrios de la ciudá de Gijón/Xixón.

Entamu d’alcuentros ente los mozos y los productores culturales en llingua asturiana (músicos, actores, escritores…).

Desarrollu de talleres dirixíos a los colectivos de mozos sobro la ellaboración de publicaciones n’asturianu.

Difusión ente los colectivos xuveniles de los recursos que faciliten l’aplicación del asturianu nes sos entidaes y publicaciones.

Establecimientu y desarrollu d’un conveniu de collaboración col Conseyu de la Mocedá de Xixón pa la promoción y normalización de la llingua asturiana ente la mocedá xixonesa.

Advertisements

Dexa un retruque

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s